| 1 | Apud Aquilegiam natale sancti Hermagorae, primi eiusdem civitatis episcopi, discipuli sancti Marci evangelistae. Apud Cyprum natale beati Nasonis antiqui Christi discipuli. In Caesarea sancti Dii. Romae sancti Cleti papae, qui sedit ibi annos duodecim. Hic ex praecepto beati Petri, viginti quinque presbyteros in urbe Roma ordinavit, qui sepultus est iuxta corpus beati Petri. Lugduno Galliae depositio sancti Iuvencioli episcopi. |