| 1 | Romae septem fratrum, filiorum sanctae Felicitatis: id est, Ianuarii, Felicis, Philippi, Silvani, Alexandri, Vitalis et Martialis, sub praefecto urbis Publio, tempore Antonini principis. E quibus Ianuarius post verbera virgarum et carcerum, plumbatis occisus est: Felix et Philippus fustibus mactati, Silvanus praecipitio interemptus est, Alexander, Vitalis et Martialis capitali sententia puniti sunt. In Africa natale sanctorum Ianuarii, Marini, Naboris et Felicis decollatorum, quorum corpora Mediolanum translata sunt. |