| 1 | Natale sancti Ioannis papae, quo tempore Theodoricus rex duos senatores praeclaros, et consules Symmachum et Boetium occidit; qui nonagesimo octavo die postquam papa Ioannes interiit, subito defunctus est. Quem quia orthodoxus erat, et a Iustino imperatore orthodoxo Constantinopolim veniens, gloriose susceptus fuerat, Theodoricus rex Arianus revertentem Ravennam in custodia tentum, ad mortem usque cum aliis aeque catholicis viris perduxit. Huius meminit sanctus Gregorius in libro Dialogorum. Cuius corpus translatum, sepultum est in basilica sancti Petri apostoli, quinta Kalend. Ianuarii, Olibrio consule. Apud Parisium sancti Germani episcopi et confessoris, qui post innumeras virtutes octogenarius migravit ad Dominum. In Sardinia sanctorum Aemilii, Felicis, Priami, Luciani. |