| 1 | Natale sancti Ioannis apostoli ante portam Latinam Romae, qui ab Epheso iussu Domitiani fratris Titi, secunda persecutione, quam ipse post Neronem exercuit, ad urbem Romam perductus, praesente senatu ante portam Latinam in ferventis olei dolium missus est: sed beatus apostolus tam liber a poena inde exiit, quam a corruptionibus carnis fuerat immunis. Tunc in Pathmum insulam relegatus est exsilio, ubi Apocalypsim vidit. Ad commendandam ergo ipsius memoriam dignam, et pro fidei apostolicae constantia, Christiani ecclesiasticam venerationem eius gestantem, in supradicto loco ante portam Latinam praeclaro et miro opere construxerunt, ubi festivum concursum pridie nonas Maii usque hodie faciunt. Eodem die B. Evodii Antiochiae episcopi et martyris, qui primus ab apostolis ibi est ordinatus. Item B. Lucii, qui Cirenensem primus episcopus rexit Ecclesiam ab apostolis institutus. |