| 1 | Hierosolymis inventio sanctae Crucis, ab Helena regina, sub Constantino principe, cuius et ipsa exstitit mater. Romae via Numentana, milliario septimo, sancti Alexandri cum Eventio et Theodolo presbyteris, sub Traiano principe, iudice Aureliano, qui Romanae Ecclesiae episcopatum quintus post Petrum annos tenuit decem, menses duos, dies decem, sanctitate incomparabilis, fide praeclarissimus: maximam partem senatorum urbis convertit ad Dominum, qui post vincula carceris equuleum, ungulas et ignes, punctis creberrimis per tota membra peremptus est. Sequentes vero post longam carceris continentiam ignibus examinati, ad ultimum sunt decollati. Et natale sancti Iuvenalis episcopi, et depositio sancti Philippi confessoris. |