| 1 | In Armenia civitate Militana natale sanctorum Hermogenis, Gaii, Expediti, Aristonici, Rufi, Galathae, una die coronatorum. In Hispania civitate Caucoliberi natale sancti Vincentii martyris. Apud Corinthum beati Timonis, de illis septem diaconibus primis, qui apud Beroeam primo doctor sedit, deinde verbum Domini disseminans venit Corinthum, ibique a zelantibus Iudaeis, et nomen Christi presequentibus Graecis traditur, ut primo flammis (ut ferunt) iniectus, sed nihil laesus; deinde cruci affixus, martyrium suum implevit, et sepultus est apud Corinthum gloriose. |