| 1 | Natale sancti Alexandri episcopi, qui de Cappadocia civitate sua veniens, cum desiderio sanctorum locorum Ierosolymam pergeret, et Narcissus episcopus eiusdem urbis, iam senex regeret Ecclesiam, ipsi Narcisso et multis clericis eius revelatum est: altera die mane intrare ad episcopum, qui adiutor sacerdotalis cathedrae esse deberet. Itaque re ita completa, ut praedicta fuerat, cunctis in Palaestina in unum congregatis, adnitente vel maxime Narcisso, Hierosolymitanae Ecclesiae cum eo gubernaculum suscepit: quique persecutione Decii cum iam longaevae aetatis veneranda canicie praefulgeret, ductus Caesaream, et clausus carcere, ob confessionem Christi martyrio coronatus est. In Alexandria natale Colestici, et in Nicomedia Aprilis et Cervoli. |