| 1 | Romae via Salaria in coemiterio Priscillae, natale sancti Marcelli papae: qui, iubente Maximiano imperatore, primo fustibus caesus, et a facie eius, quem corripiebat, expulsus est. Hic fecit coemiteria in via Salaria, et viginti quinque titulos in urbe Roma constituit, propter baptismum et poenitentiam multorum, qui convertebantur ex paganis, et propter sepulturas martyrum. Post multos itaque annos in servitio Dei indutus cilicio defunctus est, et conditus aromatibus a Ioanne presbytero, et beata Lucina, sepultus est in coemiterio Priscillae. Apud Arelaten sancti Honorati episcopi, cuius vita doctrina et miraculis illustris refulsit. Et sancti Fursei confessoris. |