| 1 | Apud Thebaidem natale beati Pauli, primi eremitae, qui a sexto decimo aetatis suae anno, usque ad centesimum tertium decimum solus in eremo permansit: cuius animam inter apostolorum et prophetarum choros ad coelum ferri ab angelis Antonius vidit. Sancti Igini papae, qui sedit Romae annos quatuor. Hic constituit clerum, et distribuit gradus. Sepultus est in Vaticano, tertia idus Ian. Apud Cyprum beati Nicanoris, qui unus fuit de septem primis diaconibus. |