| 1 | Potest qui vult a cyclo lunari facere argumentum, ad inveniendum quota sit luna Calendarum Ianuariarum. Sume enim cyclum lunae quemlibet, ut puta quintum, multiplica per XI, fiunt LV; adde unum semper regularem, fiunt LVI; partire per XXX, remanent XXVI: vigesima sexta est luna in Cal. Ian., anno quinto cycli lunaris. |
| 2 | Item sume octo, multiplica per XI; fiunt LXXXVIII, adde unum regularem, et partire per XXX, remanent XXIX: vicesima nona est luna in Calendas suprascriptas anno cycli lunaris octavo. Tantum memor esto, septimo decimo, octavo decimo, et nono decimo cycli memorati anno non unum, ut reliquis, sed duos adiicere regulares, et lunam Cal. Ian. sine errore reperies. |