Beda Venerabilis, De Temporibus, 21

monumenta.ch > Beda Venerabilis > 21
Beda, De Temporibus, XX. De quarta Aetate. <<< >>> XXII. De sexta Aetate.

Beda Venerabilis, De Temporibus, CAPUT XXI. De quinta Aetate.

1	Quinta aetas continet annos DLXXXIX. Hebraeorum captivitas annis LXX. Iudith historia conscribitur. Darius annis [C, XXXVII.] XXXVI. Huius secundo anno templum Hierosolymis exstruitur. Primus autem regni eius inter septuaginta annos captivitatis Iudaicae concluditur. Xerces annis [C, XXI.] XX. Herodotus historiographus agnoscitur. [C, om. Artabanus . . . Socrates nascitur.] Artabanus mensibus VII. Socrates nascitur. Artaxerxes annis XL. Esdras legem, Neemias Hierosolymam restaurat.
2	Darius, qui et Nothus, annis [XXIX.] XIX. Plato nascitur. Artaxerxes, [Note: C add. qui et Ochus.] annis LX. Hester historia completur. Artaxerxes, qui et Ochus, annis XXVI. Demosthenes et Aristoteles praedicantur. Xerxes Ochi filius annis IIII. Xenocrates claruit. Darius annis VI. Hucusque regnum Persarum, dehinc Graecorum. Alexander annis V. Nam VII eius anni cum Persarum regibus supputantur.
3	Ptolemaeus Lagi filius annis XL. Machabaeorum liber [C, inchoat primus. Philadelphus . . . . XXXVIII.] inchoat. Primus Philadelphus annis XXXIII. Septuaginta interpretes claruerunt. Evergetes annis XXVI [Ms. Lond., XXXVI.]. Iesus Sapientiae librum composuit. Philopater annis XVII. Machabaeorum liber secundus inchoat.
4	Epiphanes annis XXIIII. Romani Graecos obtinuerunt. Philometor annis XXXV. Hunc Anthiochus superans Iudaeos oppressit. Evergetes annis XXIX. Brutus Hispaniam subegit. Soter annis XVII. Varro Ciceroque nascuntur. Alexander annis X. Syria per Gabinium ducem subiicitur Romanis. Ptolemaeus Cleopatrae filius annis [C, XVIII.] VIII. Salustius historiographus nascitur. Dionysius annis XXX. Pompeius Iudaeam cepit. Cleopatra annis XXII. Hucusque regnum Graecorum, [C om. nunc Romanorum.] nunc Romanorum. Iulius Caesar annis V. Ab hoc Caesares appellati.