Beda Venerabilis, De Temporibus, 19

monumenta.ch > Beda Venerabilis > 19
Beda, De Temporibus, XVIII. De secunda Aetate. <<< >>> XX. De quarta Aetate.

Beda Venerabilis, De Temporibus, CAPUT XIX. De tertia Aetate.

Tertia aetas continet annos DCCCCXLII. Abraham annorum LXXV venit in Chananeam: Abraham annorum C genuit Isaac. Nam primo genuit Ismael, a quo Ismaelitae. Isaac annorum LX genuit Iacob. Regnum inchoat Argivorum. Iacob annorum XC genuit Ioseph. Memphis in Aegypto conditur. Ioseph CX annos vixit. Graecia sub Argo segetes habere coepit. Hebraeorum servitus annorum [CXLIV Ms. et C.] CXLIV. Cecrops Athenas [B, condit.] condidit. Moses annis XL rexit Israel. Lacedaemon conditur. Iosue annis [Ms. Lond., XXVII.] XXVI. Iudices a Mose usque ad Samuel praefuerunt annis [C, CCCV.] CCCCV. Othoniel annis XL. Cadmus Thebarum rex Graecas litteras invenit. Aoth annis LXXX. Amphion musicus claruit. Debbora annis XL. Primus Latinis [C, regnat; B, regnavit.] imperavit Picus. Gedeon annis XL. Orpheus Linusque musici claruerunt. Abimelech annis III. Iste [C, LXX fratres.] fratres suos septuaginta interfecit. Thola annis [Ms. Lond. et C, XXXIII.] XXIII. Priamus regnat in Troia. Iair annis XXII. Carmentis Latinas litteras reperit. Iepthe annis VI. Hercules se flammis iniecit. Abessa annis VII. Bellum Troiae [C, decennovale.] decennale surrexit. Achialon annis X. Hic in LXX interpretibus non habetur. Labdon annis VIII. Aeneas venit in Italiam. Samson annis XX. Ascanius Albam condidit. Heli annis XL. Regnum Sicyoniorum finitur. Samuel [Com. et Saul.] et Saul annis [Note: C, XXXIII.] XXXII. Lacedaemoniorum regnum exoritur.