monumenta.ch > Beda Venerabilis > 13
Beda, De Temporibus, XII. De Saltu Lunae. <<<     >>> XIV. Argumenta titulorum paschalium

Beda Venerabilis, De Temporibus, CAPUT XIII. Continentia Circuli eiusdem. [IOAN. NOV. SCHOLIA.---Redditur hic ratio illorum indicum qui libro ultimo ad finem sunt adiecti, qui constant annis DXXXII, quibus exactis, omnia redeunt eadem ut sunt ab initio, quemadmodum alibi pluribus dictum est. Reduximus hos circulos in pristinam dignitatem, erant enim in exemplaribus quae hactenus fuere in usu supra modum depravati.]

1	Cyclus idem paschalis VIII est lineis communitus. Primus ordo continet annos ab incarnatione Domini, unius singulis annis augmento [Crescentis Basil. ed.] crescentes. Secundus indictiones Romanorum, quae in se [Semper A, B, C, Basil. ed.] per XV annorum cursum revolvuntur. Tertius Epactas XI lunares, quae per singulos annos solares ad cursum lunae succrescunt, et ad lunam Calendarum quaerendam semper adiiciuntur positae XI Calendas Apriles.
2	Quartus concurrentes septimanae dies, quae positae IX Calendas Apriles, propter dispendium bissexti necessario XXVIII annis implentur: quarum ratio cogit cyclos decennovenales XXVIII describi, ut singulae concurrentes singulos cyclos inchoent, totaque summa paschalis calculi DXXXII annis explicetur. Quintus cyclum lunarem, quem tribus annis decennovenalis praecedit: XIX annis etiam ipse comprehensus. Sextus XIV lunas, [A, quae.] quibus veteres pascha faciebant, quae a duodecimo Calendas Apriles, usque in XIV Calendas Maias vario discursu vagantes, tempus incensionis ab VIII Idus Martias usque in Nonas Apriles accipiunt: a XIV autem luna usque ad XIV anni sequentis dies sunt CCCLIV, si communis annus est. Si embolismus, CCCLXXXIV. Septimo, dies dominicae Paschae reperiuntur ab XI Calendarum Aprilium usque in VII Calendas Maias, ob rationem embolismorum licenter extendi. [A Ultimo luna.] Ultimo ordine luna festi paschalis a XV usque in XXI propter diem dominicum variata: [Caetera usque ad caput sequens non habet A.] adimit enim saltus noctem, [B. addidit.] addit verro aetatem, quae per omnem cyclum adolevit. Sed in hoc nox adimitur, quod ante luna [B. defecit.] deficit, quod putatur, naturaliter vero nox ipsa perseverat, quae nox initium est futuri anni, et cycli incipientis exordium: propter quod idem ultimus annus Epactas XVIII tunc retinens, primo anno non XI ut in caeteris annis fieri solet, sed XII dies accommodat.
3	Et quia XXX dierum fine revolvuntur, nulla epacta in principio cycli ponitur.

Beda Venerabilis HOME
bav1449.240 bnf1615.277 bnf13013.50 csg248.95 csg250.152
© 2006 - 2024 Monumenta Informatik