monumenta.ch > Beda Venerabilis > L
Beda, De Nominibus Locorum, I <<<     >>> M

Beda Venerabilis, De Nominibus Locorum, L

1	Lasea, civitas littoraria Cretae insulae, iuxta locum qui vocatur Boni portus, ut ipse Lucas exponit. Pro qua quidam corrupte Thalassa legunt.
2	Libyae provinciae duae sunt. Una Libya Cyrenaica, de qua dictum est: Et pars Libyae quae est circa Cyrenen [Act. II]. Haec post Aegyptum in parte Africae prima est, et mari Libyco cognomen dedit. Post quam Libya Aethiopum, usque ad Meridianum pertingens Oceanum.
3	Lycaonia, provincia Asiae. Est etiam eiusdem nominis civitas in Phrygia minore
4	Lycia, provincia Asiae.
5	Lydda, civitas Palaestinae in littore maris magni sita, quae nunc Diospolis appellatur.
6	Lystra, civitas Lycaoniae.

Beda Venerabilis HOME