Beda Venerabilis, De Arte Metrica, XXI De metro iambico tetrametro.
| 1 | Metrum iambicum tetrametrum recipit iambum locis omnibus, spondeum tantum locis imparibus. Quo scriptus est hymnus Sedulii, A solis ortus cardine,
Ad usque terrae limitem,
Christum canamus principem. |
Sed et Ambrosiani eo maxime currunt: Deus creator omnium
Iam surgit hora tertia,
Splendor paternae gloriae,
Aeterne rerum conditor. |
Et caeteri perplures. |
| 2 | In quibus pulcherrimo est decore compositus hymnus beatorum martyrum, cuius loca imparia spondeus, iambus tenent paria; cuius principium est: Aeterna Christi munera,
Et martyrum victorias,
Laudes ferentes debitas
Laetis canamus mentibus. |
|
| 3 | Recipit hoc metrum aliquoties, ut scribit Mallius Theodorus, etiam tribrachym locis omnibus, praeter novissimum, dactylum et anapestum locis tantum imparibus. Unde est: Geminae gigas substantiae
Alacris ut currat viam. |
Caeterorum raro habemus exempla. |