monumenta.ch > Augustinus > 18 X
Augustinus, Confessiones, Liber 2, IX 17 <<<    

Augustinus, Confessiones, 2, Caput X 18

1 Quis exaperit istam tortuosissimam et implicatissimam nodositatem? foeda est; nolo in eam intendere, nolo eam videre. te volo, iustitia et innocentia, pulchra et decora honestis luminibus et insatiabili satietate. quies est apud te valde et vita imperturbabilis. qui intrat in te, intrat in gaudium domini sui et non timebit et habebit se optime in optimo. defluxi abs te ego et erravi, deus meus, nimis devius ab stabilitate tua in adulescentia et factus sum mihi regio egestatis. s. LIBER PRIMUSAugustinus HOME
bke18.13r