| 1 | Quod si in aliis Ecclesiis tanta suppetit ordinandi sacerdotis consideratio, quanta cura expetitur in Vercellensi Ecclesia, ubi duo pariter exigi videntur ab episcopo, monasterii continentia, et disciplina Ecclesiae? Haec enim primus in occidentis partibus diversa inter se Eusebius sanctae memoriae coniunxit; ut et in civitate positus instituta nonachorum teneret, et Ecclesiam regeret ieiunii sobrietate. |
| 2 | Multum enim adiumenti accedit ad sacerdotis gratiam, si ad studium abstinentiae, et ad normam integritatis iuventutem astringat, et versantes intra urbem abdicet usu urbis et conversatione. |