monumenta.ch > Ambrosius > 8
Ambrosius, Epistolarum classis I, 50, 7. <<<     >>> 9.

Ambrosius, Epistolarum classis I, 50, 8.

1	Tunc indignatus Dominus per Angelum dixit: Vade; sed quaecumque tibi inspiravero, haec dices (Ibid., 35), id est, non quae vis, sed quae cogeris loqui.
2	Quasi organum inane sonum meis praebebis sermonibus.
3	Ego sum, qui loquar, non tu qui ea quae audieris, resultabis, et quae non intelliges.
4	Nihil proficies eundo; quia sine mercede remeabis pecuniae, et sine profectu gratiae.
5	Denique ea prima vox eius est: Quid maledicam, cui non maledicit Dominus (Num. XXIII, 8)? ut ostenderet non in sua voluntate esse benedictionem Hebraei populi, sed in Dei gratia.

Ambrosius HOME