monumenta.ch > Ambrosius > 1
Ambrosius, Epistolarum classis I, 50, . . . <<<     >>> 2.

Ambrosius, Epistolarum classis I, 50, 1.

1	Numquidnam mentitur Deus? Sed non mentitur, quia impossibile est mentiri Deum.
2	Impossibile quoque istud numquidnam infirmitatis est? Non utique; nam quomodo omnia potest, si aliquid efficere non potest? Quid ergo ei impossibile? Non quod virtuti arduum, sed quod naturae eius contrarium.
3	Impossibile, inquit, est ei mentiri.
4	Impossibile, istud non infirmitatis est, sed virtutis et maiestatis; quia veritas non recipit mendacium, nec Dei virtus levitatis errorem.
5	Ideoque sit Deus verax, omnis autem homo mendax (Rom. III, 4).

Ambrosius HOME