| 1 | Haec tecum prolusimus, quae in libros nostrarum epistolarum referam, si placet, atque in numerum reponam; ut tuo commendentur nomine, et tuis ad nos, et nostris ad vos litteris augeatur mutuus amor per Dominum: ut ita legas, quod iudices; et quod moverit, scribas ad me: amor enim verus constantia probatur. |
| 2 | Placet iam quod senibus usu facilius est, quotidiano et familiari sermone epistolas texere; et si quid de Scripturis divinis obvium inciderit, attexere. |
| 3 | Vale, frater, et dilige amantem tui; quia plurimum te diligo. |