monumenta.ch > Ambrosius > 19
Ambrosius, Epistolarum classis I, 40, 18. <<<     >>> 20.

Ambrosius, Epistolarum classis I, 40, 19.

1 In quas praeterea non prosiliant calumnias, qui etiam Christo falsis testimoniis calumniati sunt? In quas non prosiliant calumnias homines et circa divina mendaces? Quos non auctores seditionis fuisse dicant? Quos non appetant, etiam quos non recognoscant; ut catenatorum ordines innumeros spectent de christiano populo, ut captiva videant colla plebis fidelis, ut condantur in tenebras Dei servuli, ut feriantur securibus, dentur ignibus, tradantur metallis, ne poena cito transeat?
Ambrosius HOME