Ambrosius, Epistolarum classis I, 40, 14.
| 1 | Non est ergo causa tantae commotioni idonea; ut propter aedificii exustionem in populum tam severe vindicetur: multo autem minus quia synagoga incensa est, perfidiae locus, impietatis domus, amentiae receptaculum, quod Deus damnavit ipse. |
| 2 | Sic enim legimus per os Hieremiae, dicente Domino Deo nostro: Et faciam domui, ubi invocatum est nomen meum super ipsam, in qua confiditis vos, et loco quem dedi vobis et patribus vestris, sicut feci Selon: et proiiciam vos a facie mea, sicut proieci fratres vestros omne semen Ephraem. |
| 3 | Et tu noli orare pro populo isto, et noli postulare illis misericordiam, et neque accesseris ad me pro illis: quia non exaudiam te. |
| 4 | Aut non vides quid isti faciunt in civitatibus Iuda (Ierem. VII, 14 et seq.)? Deus se pro illis prohibet rogari, quos tu vindicandos putas. |