Ambrosius, Epistolarum classis I, 40, 1.
| 1 | Exercitus semper iugibus fere curis sum, Imperator beatissime: sed numquam tanto in aestu fui, quanto nunc; cum video cavendum ne quid sit, quod ascribatur mihi etiam de sacrilegii periculo. |
| 2 | Itaque peto ut patienter sermonem meum audias. |
| 3 | Nam si indignus sum, qui a te audiar; indignus sum, qui pro te offeram, cui tua vota, cui tuas committas preces. |
| 4 | Ipse ergo non audies eum, quem pro te audiri velis? Non audies pro se agentem, quem pro aliis audisti? Nec vereris iudicium tuum, ne cum indignum putaris, quem audias, indignum feceris, qui pro te audiatur? |