Ambrosius, Epistolarum classis I, 22, 23.
| 1 | Sed non ego ad suffragium martyrum usurpo vocem daemoniorum. |
| 2 | Beneficiis suis sacra passio comprobetur. |
| 3 | Habet iudices, sed purgatos: habet testes, sed absolutos. |
| 4 | Melior vox est, quam sanitas loquitur eorum, qui debiles advenerunt: melior vox est, quam sanguis emittit; habet enim sanguis vocem canoram, quae de terris ad coelum pervenit. |
| 5 | Legistis dicente Deo: Sanguis fratris tui clamat ad me (Gen. IV, 10). |
| 6 | Et hic sanguis clamat coloris indicio: sanguis clamat operationis praeconio: sanguis clamat passionis triumpho. |
| 7 | Satisfactum est petitioni vestrae, ut condendas hesterno in hodiernum diem differremus reliquias. |