Ambrosius, Epistolarum classis I, 22, 12

1	Eruuntur nobiles reliquiae e sepulcro ignobili, ostenduntur coelo [tropaea.] Sanguine tumulus madet, apparent cruoris triumphalis notae, inviolatae reliquiae loco suo et ordine repertae, avulsum humeris caput.
2	Nunc senes repetunt audisse se aliquando horum martyrum nomina, titulumque legisse.
3	Perdiderat civitas suos martyres, quae rapuit alienos.
4	Etsi hoc Dei munus est; tamen gratiam quam temporibus sacerdotii mei Dominus Iesus tribuit, negare non possum: et quia ipse martyr esse non mereor, hos vobis martyres [acquisivi.]