| 1 | Caesa itaque viginti quinque millia (Ibid., 35 et seq.), id est, omnes fere de viris Beniamin, praeter sexcentos, qui arrepto scrupeae rupis munimento, partim loci ingenio et subsidio naturae, partim desperatione victoribus terrori fuere. |
| 2 | Nam secundae res cautionis admoneat: in adversis ultio pro victoria habetur. |
| 3 | Nec feminarum numerus tanti discriminis exsors fuit: sed omnis tribus Beniamin muliebris sexus cum pueris et puellis, omnique aetate gladio aut igne exstinctus; sacramentumque additum, ne quis tribus illius viro filiam suam in uxorem daret, quo reparandi nominis omnis aboleretur successio. |