Ambrosius, Epistolarum classis I, SERMO CONTRA AUXENTIUM DE BASILICIS..., 23.
| 1 | Paucos excludebat Dominus Iesus de templo suo, Auxentius nullum reliquit. |
| 2 | De templo suo Iesus flagello eiicit, Auxentius gladio: Iesus flagello, Mercurinus securi. |
| 3 | Pius Dominus flagello exturbat sacrilegos; nequam persequitur pios ferro. |
| 4 | De quo bene dixistis hodie: Leges suas secum ferat. |
| 5 | Feret, etiamsi nolit: feret conscientiam suam, etsi non fert chartulam: feret sanguine inscriptam animam suam, etsi atramento inscriptam epistolam non feret. |
| 6 | Scripta est, Iuda, culpa tua graphio ferreo et ungue adamantino, et scripta in pectore tuo (Ierem. VII, 1), hoc est, ibi scripta, unde processit. |