Ambrosius, De apologia David, § 55
| 1 | iustificat dominum qui peccatum fatetur. |
| 2 | denique in euangelio habes quia publicani iustificauerunt deum baptizati baptismo Iohannis. |
| 3 | Baptista autem Iohannes baptismum fecit paenitentiae. |
| 4 | qui autem agit paenitentiam delicta non abnuit. |
| 5 | ergo quia Dauid contra se habebat semper delictum suum, utique non negabat quod et erubescebat, non negabat quod et agnoscebat. |
| 6 | non negando autem utique commissi paenitentiam gerebat erroris atque ita confitendo delictum iustificabat dominum et ipse iustificabatur a domino. |
| 7 | iustificatur enim dominus, dum eius praedicatur iustitia et ab eo nenia postulatur. |
| 8 | simul et ipse iustificat confitentem et iustificatur in sermonibus suis, sicut scriptum est: dic iniquitates tuas, ut iustificeris. |