Ambrosius, De Tobia, 75

1	hoc uestitu filii Noe pudenda patris operuerunt accipientes super umeros uestimentum et retrorsum pergentes, ne uiderent uirilia patris, hoc est corporea, quae habent pudorem quendam generationis humanae.
2	et ideo qui uidere uoluit angustioris animi dignam mercedem recepit, ut seruos fieret - omnis enim qui facit peccatum seruus est peccati - , unde ille in terrenis remansit.
3	hoc pauperi nemo tollat uestimentum aut si tulerit, sol non occidat super despoliatum, cum ante restituat, ne peccatum pauperis faeneratori possit adscribi et non solum suo, sed etiam alieno incipiat laborare peccato.