Ambrosius, De Tobia, § 48
| 1 | In Deuteronomio quoque scriptum est: non exiges a fratre tuo usuram -pecuniae et usuram escarum et usuram omnium rerum, quascumque faeneraueris fratri tuo. |
| 2 | ai alienigenae credideris, usuram exiges ab eo, a fratre autem tuo non exiges. |
| 3 | uides quantum pondus in uerbis sit. (noli exigere) inquit (usuram a fratre tuo hoc est: cum quo debes omnia habere communia. |
| 4 | ab eo tu usuram exigis? frater tuus consors naturae et coheres gratiae: noli ab eo exigere amplius a quo durum est repetere quod dederis, nisi cum habuerit unde dissoluat. |