Ambrosius, De Tobia, § 43
| 1 | Usuram quoque ab usu arbitror dictam, quod ut uestes usn ita usuris patrimonia scindantur. |
| 2 | lugubre cerae prima littera sonat. |
| 3 | parturit uox doloris est. |
| 4 | quid ibi boni esse potest, quod a dolore incipit et ab obligatione? lepores ferunt generare simul et educare et continuo parturire: istis quoque anaglyphariis usurarum generatur et supergeneratur usura. |
| 5 | enutritur ac nascitur et nata iam parturit. |
| 6 | radices quoque arborum primo plantantur, ut prendant; cum prenderint, tunc uirescere incipiunt, postea pullulare: at uero pecunia faenebris uix plantata iam pullulat. |
| 7 | semina tempore erumpunt, animalia tempore pariunt; tempus enim pariendi et tempus moriendi, tempus plantandi et tempus uellendi plantatum, tempus occidendi et tempus sanandi et infra: tempus adquirendi et tempus reddendi, tempus custodiendi et tempus expellendi, ut Ecclesiastes ait: pecunia faenebris hodie seminatur, cras fructificat: semper parit et numquam interit: semper plantatur, uix euellitur. |
| 8 | uult semper faenerator adquirere, numquam perdere, numquam custodire pecuniam suam, semper expellere, numquam sanare, semper occidere. |