Ambrosius, De Tobia, § 18
| 1 | et uere sors omnis illorum facta est, tu autem remanes exors bonorum. |
| 2 | non talis sortis tibi scriptura monstrauit, non inter tales sortes Dauid sanctus memorat dormiendum dicens: si dormiatis inter medias sortes. |
| 3 | nam si in medio illarum dormisses sortium, id est ueteris et noui testamenti, non te pecuniae cupiditas in uoraginem deterrimi faenoris demersisset, sed gratia spiritalis fidei tibi dedisset argentum et in speciem auri diuinae sapientiae institutione formasset. |
| 4 | etenim si nos unum testimonium diuinae scripturae posuimus et luxuriosum illud conuiuium declinauimus, utique potuit et iste saluari. |
| 5 | si oraculis caelestibus inhaesisset. |