| 1 | quid Esau seruum fratri suo fecit? nonne esca ad horam dulcis, amara in posterum? quid Iacob dominum fratri dedit? nonne contemptus cibi ad tempus amarior, sed salubris in reliquum? ipsa corpora dulcibus frequenter inflantur et melle iecur tenditur, idem tamen escae amaritudine temperatur. |
| 2 | ideo non mediocris, sed laudata quaestio: de manducante exiuit esca et de forti dulce. |
| 3 | alii habent: et de tristi dulce, Graeci codices maxime. |