Orosius, Historiae, Liber 4, Caput 4

monumenta.ch > Orosius > Caput 4
Orosius, Historiae, Liber 4, 3 <<< >>> 5

Caput 4 MANUSKRIPT-LINKS AUSBLENDEN

1 Anno ab urbe condita CCCCLXXVIII obscena bsb65382.229 et dira prodigia vel visa Romae bnf4872.30 v vel nuntiata sunt. aedes Salutis ictu fulminis dissoluta, pars muri sub eodem loco de caelo, ut dicunt, tacta est. 2 lupi tres ante lucem ingressi urbem, csg621.139 semesum cadaver intulerunt sparsumque bke1009.52r membratim in foro ipsi strepitu hominum exterriti reliquerunt. 3 apud Formias multis ictibus fulminum moenia undique ambusta et dissoluta sunt. 4 apud agrum Calenum repente flamma scisso hiatu terrae eructata tribus diebus tribusque noctibus terribiliter exaestuans, quinque agri iugera exhausto penitus suco ubertatis in cinerem exterruit, ita ut non fruges solum sed et arbores cum imis stirpibus absumpsisse referatur. 5 Sequenti abhinc anno Sempronius consul adversum Picentes duxit exercitum. et cum directae intra iactum teli utraque acies constitissent, repente ita cum horrendo fragore bsb65382.230 terra tremuit, ut stupore miraculi utrumque pavefactum agmen hebesceret. 6 bnf4871.34 v diu attoniti utrimque populi haesitavere praeiudicata incepti conscientia; tandem procursu concito iniere certamen. 7 triste adeo id bellum fuit, ut merito dicatur tantum humanum bmv545.42 r sanguinem susceptura etiam cum gemitu horrisono tunc terra tremuisse. Romani pauci admodum eo proelio bnf9665.73 qui evasere vicerunt.