monumenta.ch > Hieronymus > bnf9389.375 > XXXV.
Gregorius Turonensis, Historia Francorum, LIBER PRIMUS., , XXXIV. <<< >>> XXXVI.
XXXV.
1 Sub Constantis autem imperio, Iacobus Nisibenus fuit, ad cuius preces inclinatae aures divinae clementiae, multa pericula a civitate eius repulerunt. 2 Sed et Maximinus Treverorum episcopus potens in omni sanctitate reperitur. 3 Nono decimo Constantii iunioris anno, Antonius monachus transiit, centesimo quinto aetatis suae anno. 4 Beatissimus Hilarius Pictaviensis episcopus, suasu haereticorum exsilio deputatur: ibique libros pro fide catholica scribens, Constantio misit, qui quarto exsilii anno eum absolvi iubens, ad propria redire permisit.