monumenta.ch > Gregorius Magnus > 32
Gregorius Magnus, Moralia in Iob, 11, XXXI. <<<     >>> XXXIII .

CAPUT XXXII. SHOW LINKS TO MANUSCRIPTS SHOW APPARATUS

1 Tacete paulisper, ut loquar quodcunque mihi mens suggesserit.
2 Sensu carnis locutos indicat, quos idcirco ad silentium restringit, ut ea quae illi mens suggesserit dicat. Ac si aperte dicat: Non ego carnaliter, sed spiritaliter loquor, quia per sensum spiritus audio quae per ministerium corporis profero. Unde mox ad alta conscendit, seque in mysteriis elevat, et increpationem quam protulerat ad mystica verba permutat, dicens: