EPISTOLA XIX. AD MAURENTIUM MAGISTRUM MILITUM. Plectiles sellas viginti quatuor petit.
| 1 | Gregorius Maurentio magistro militum. |
| 2 | Cognoscat gloria vestra mandasse nos Anthemio subdiacono ut aliquantas sellas plectiles nobis dirigere studeat. |
| 3 | Aut si factas non invenerit, ipsum apud se artificem tollat, ut in domo ipsius debeat laborare, et vel viginti quatuor sellas omnino bonas faciat. |
| 4 | Et ideo quia omnino nobis sunt necessariae, gloria vestra ut hoc fieri possit provideat. |
| 5 | Et si forte vos iam aliquas conquisistis, nobis eas transmittite. |
| 6 | Sed et Iuliano viro clarissimo maiori excellentiae vestrae, aut si quis alter habuerit, eas nobis mittere procuret. |
| 7 | Ita ergo gloria vestra faciat, ut haec quae scripsimus sollicitudinis vestrae debeant modis omnibus instantia procurari. |