monumenta.ch > Hieronymus > sectio 22 > ad Corinthios I, 3 > 2
Gregorius Magnus, Epistolae, 12, EPISTOLA PRIMA. AD DOMINICUM CARTHAGINENS. EPISCOPUM. Quod ex gravi morbo convaluerit gratulatur. Monet, saepe nobis vitae inducias concedi, ut paratiores ad iudicium veniamus. <<<     >>> EPISTOLA III. AD ANTHEMIUM SUBDIACONUM. De puero quodam e Sicilia Misenum ducto, ubi monachi habitum susceperat.

EPISTOLA II. AD ANTHEMIUM SUBDIACONUM. Det Matthaeo viro clarissimo in sustentationem solidos duodecim.

1	Gregorius Anthemio subdiacono.
2	Quoties digna consideratione, sustentationis causa, aliqua moerentibus conceduntur, et Deum laetificant, et ipsum ditant sine dubio largientem.
3	Ideo experientiae tuae hac auctoritate praecipimus quatenus Matthaeo viro clarissimo scholastico duodecim solidos dare non differas, quos tuis scito rationibus procul dubio imputandos.
4	Ita ergo cum gratiarum actione iussionem nostram festina implere, ut nulla accipientem possit fatigare dilatio.