monumenta.ch > Gregorius Magnus > 85
Gregorius Magnus, Epistolae, 9, EPISTOLA LXXXIV. AD BENENATUM TUNDARITANUM EPISCOPUM. Ut oratorium in honorem sanctorum Severini et Iulianae consecret. <<<     >>> EPISTOLA LXXXVI. AD CONSTANTIUM MEDIOLANENS. EPISCOPUM. Reliquias ea lege concedit, ut prius servientium alimoniis provideatur quam dedicetur locus.

EPISTOLA LXXXV. AD FORTUNATUM NEAPOLITANUM. Ianuariae reliquias sanctorum Severini et Iulinae dare iubet.

1	Gregorius Fortunato episcopo Neapolitano Ianuaria, religiosa femina, sanctuaria beatorum Severini confessoris et Iulianae martyris oblata petitione sibi postulat debere concedi, quatenus in eorum nomine oratorium propriis sumptibus constructum possit solemniter consecrari.
2	Et ideo, frater charissime, praefatae desideriis ex nostra te praeceptione convenit obedire, ut devotionis suae in consecratione quam postulat potiatur effectu.