| 1 | Gregorius Cypriano diacono. |
| 2 | Obitum Theodori episcopi dilectionem tuam iam credimus cognovisse. |
| 3 | Sed quia ipse testamentum dicitur condidisse, subtiliter, ne quid de rebus Ecclesiae suae consumpsisset, te oportet inquirere. |
| 4 | Et siquidem eum exinde aliquid incongrue minuisse didiceris, ita age ut res ipsae ab eo cuius interest modis omnibus reparentur. |
| 5 | Clerum vero et populum loci ipsius admonere te convenit, ut, omni dilatione postposita, eligant qui sibi, revelante Deo, debeat episcopus ordinari. (Grat. Caus. 12, q. 5, c. 2.) |