| 1 | Gregorius Anthemio subdiacono. |
| 2 | His quos de Iudaica perditione Redemptor noster ad se dignatur convertere, rationabili nos oportet moderatione concurrere, ne victus, quod absit, inopiam patiantur. |
| 3 | Ideoque tibi huius praecepti auctoritate mandamus quatenus filiis Iustae ex Hebraeis, id est Iuliano, Redempto, et Fortunae, a tertia decima succedenti indictione annis singulis solidos dare non differas, quos tuis noveris modis omnibus rationibus imputandos. |