EPISTOLA LIX. AD ANTHEMIUM SUBDIACONUM. Palatinae annuos triginta solidos pro sustentatione tribuat.
| 1 | Gregorius Anthemio subdiacono. |
| 2 | Si proximorum necessitatibus habita compassione benigna mente concurrimus, nostris procul dubio necessitatibus clementem Dominum reperimus. |
| 3 | Palatina siquidem femma illustris, continua hostilitate insinuavit se plurimis necessitatibus subiacere. |
| 4 | Propterea experientiae tuae praesenti auctoritate praecipimus, uti pro sustentatione eius annuos triginta solidos dare non differat, qui tuis postmodum possint rationibus imputari. |
| 5 | Ita ergo fac ut et tu bene ministrando mercedis commmodum percipias, et nostra ad effectum praecepta perducas. |