EPISTOLA LVII. AD SEVERUM EPISCOPUM. De eligendo Ariminensi episcopo.
| 1 | Gregorius Severo episcopo. |
| 2 | Fraternitatis tuae edocti sumus epistola, in persona Ocleatini de electione episcopatus aliquos consensisse, quem quoniam nos non concedimus, in eius non debent immorari persona. |
| 3 | Sed habitatoribus eiusdem civitatis edicito, ut si in eadem Ecclesia dignum ad hoc opus invenerint, in ipsius cuncti electionem declinent. |
| 4 | Alioquin praesentium tibi portitor personam, de qua ei diximus, indicabit, in cuius debeat fieri electione decretum. |
| 5 | Vos etenim in eiusdem visitationem Ecclesiae estote solertes atque solliciti, ut et res eius illibatae serventur, et utilitates vobis disponentibus more solito peragantur. |