monumenta.ch > Cassiodorus > VIII. GELASIUS QUINIGESIO ET CONSTANTINO EPISCOPIS.
Cassiodorus, Variae, EPISTVLAE THEODERICIANAE VARIAE, , VII. GELASIUS PAPA GERONTIO ET IOHANNI EPISCOPIS. <<<     >>> VIIII. PRAECEPTUM REGIS THEODERICI. (a. 507 (vel 508) Mart. 11)

VIII. GELASIUS QUINIGESIO ET CONSTANTINO EPISCOPIS.

1  Felix et Petrus ecclesiae Nolanae clerici contumaciter et contra constitutum rebelles ad comitatum filii mei regis putaverunt esse properandum dicentes sibi vim fuisse generatam tacito clericatus officio; et auctoritate promerita contra civilitatem redemptis sibi barbaris supra scriptum episcopum suum gravibus iniuriis et dispendiis affecerunt. 2  proinde necessarium fuit, ut ad eundem dominum filium meum supra dictus frater noster Serenus episcopus convolaret ostensaque fraude secundum beatitudinem temporum suorum vir praecellentissimus filius meus Theodoricus rex ad nostrum contumaces clericos remisit examen.