monumenta.ch > Hieronymus > sectio 30 > XI. GEPIDIS AD GALLIAS DESTINATIS THEODERICUS REX. (a 525/526)
Cassiodorus, Variae, LIBER QUINTUS, , X. VERANI SAIONI THEODERICUS REX. (a 5231526) <<<     >>> XII. THEODAHADO V̅. I̅. THEODERICUS REX. (a 523/526)

XI. GEPIDIS AD GALLIAS DESTINATIS THEODERICUS REX. (a 525/526)

1  Fuerat quidem dispositionis nostrae, ut vobis iter agentibus annonas iuberemus expendi: sed ne species ipsae aut corruptae aut difficile praeberentur, in auro vobis tres solidos per condamam elegimus destinare, ut et mansiones vobis, prout herbarum copia suppetit, possitis eligere et quod vobis est aptum magis, emere debeatis. 2  nam et possessorem haec res occurrere facit, si vos necessaria comparare cognoscit. 3  movete feliciter, ite moderati. 4  tale sit iter vestrum, quale decet esse qui laborant pro salute cunctorum.