monumenta.ch > Lucanus > sectio 387 > XXVI. OSUIN V̅· I̅· COMITI THEODERICUS REX. (a 510/511)
Cassiodorus, Variae, LIBER TERTIUS, , XXV. SIMEONIO V̅· C̅· COMITI THEODERICUS REX. (a 510/511) <<<     >>> XXVII. IOHANNI V̅· S̅· CONSULARI CAMPANIAE THEODERICUS REX. (a 507/511)

XXVI. OSUIN V̅· I̅· COMITI THEODERICUS REX. (a 510/511)

1  Quamvis prudentiae tuae sit utilitati publicae deputatis ferre praesidium, tamen ammonitio nostra se cumulat, ut securius fiat, ubi se reverentia nostrae iussionis accommodat. 2  Simeonium itaque virum clarissimum, cuius fides olim nobis est cognita vel devotio comprobata, ad ordinationem siliquatici nec non ferrariarum ad provinciam Dalmatiam nostra ordinatione direximus. 3  cui expetita solacia non negetis, ut sublimitas tua nobis commendatior fiat, cum actibus se publicis praebere festinat.