| 1 | In Emesa vero, quae est in eius confinio civitatis, Dionysio γυνίδι, id est Baccho muliebri, ecclesiam quae Deo nuper fuerat aedificata, dedicaverunt; et ad derisionem simulacrum illic statuentes, Androgynum, id est, quod virum monstraret ac feminam. In Dorostolo vero, insigni Thraciae civitate, Aemilianus invictissimus decertator, a Capitolino universae Thraciae iudice igni traditus est. |
| 2 | Porro Marci Arethusii episcopi gesta vel passio Aeschyli et Sophoclis concione noscitur indigere, ut digne actus illius tragoediae ordine recitentur. |