monumenta.ch > Cassiodorus > 6
Cassiodorus, Historia Eccl., 5, V. De Gallo Caesare, et de signo crucis quod tunc in coelo apparuit. <<<     >>> VII. Fides exposita in Sirmio cum capitulis subiectis.

CAPUT VI. De Photino haeresiarcha eiusque damnatione. SHOW LINKS TO MANUSCRIPTS SHOW APPARATUS

1

Quamobrem tumultu surgente, iussit imperator concilium in Sirmio congregari. Convenitque illic ex Orientalibus quidem Marcus Arethusae, et Georgius Alexandrinus, quem remoto Gregorio ordinaverant Ariani. Venit etiam Basilius expulso Marcello Ancyrae praesule, Pancratius Pelusii, Hippacianus Heracleae; Occidentalium vero Valens Myrsenus, et tunc famosissimus hominum Osius Cordubae pontifex, pariter invitus.

2

Isti siquidem post consulatum Sergii et Nigriani (quo anno propter bellorum turbas nullus consulum fuerat solemniter ordinatus) convenerunt in Sirmio, et Photinum (dogma Sabellii Libyensis et Pauli Samosateni saepe cognoscentes) repente damnaverunt.