66.
| 1 | Ambrosius episcopus dixit: « Verum Dominum dicis? » Secundianus dixit: « Verum unigenitum Filium: quis negat verum Filium Dei? » Eusebius episcopus dixit: « Non sufficit quod Filium Dei unigenitum confiteris; nam hoc omnes confitentur: sed hoc movet, quod Arius dixit Dominum solum Patrem, solum verum: negavit Filium Dei Dominum verum. |
| 2 | Simpliciter Filium Dei Deum verum confiteris? » Secundianus dixit: « Quis fuerit Arius, ignoro: quid dixerit nescio. |
| 3 | Mecum loqueris vivus ad vivum. |
| 4 | Illud dico quod Christus dixit: Unigenitum qui est in sinu Patris (Ioan. I, 18); ergo unigenitum Filium se asserit Patris: Filius igitur unigenitus est Dei Filius verus. |