44. SHOW LINKS TO MANUSCRIPTS
| 1 | Ambrosius episcopus dixit: « Attalus in tractatu Nicaeni concilii subscripsit. |
| 2 | Neget factum, quia venit ad concilium. |
| 3 | Dicat hodie utrum subscripserit in tractatu Nicaeni concilii, an non. |
| 4 | » Cumque Attalus reticeret, Ambrosius episcopus dixit: « Attalus presbyter licet inter Arianos sit, tamen habet auctoritatem loquendi: libere profiteatur utrum subscripserit in tractatu Nicaeni concilii sub episcopo suo Agrippino, an non. |
| 5 | » Attalus dixit: « Iam dixisti me aliquoties damnatum: non tibi respondeo. |
| 6 | » Ambrosius episcopus dixit: « Subscripsisti in tractatu concilii Nicaeni, an non? » Attalus dixit: « Non tibi respondeo. |